T20 વર્લ્ડ કપની સુપર-12 ગ્રુપ 1ની મેચમાં શ્રીલંકાએ આયર્લેન્ડ સામે 9 વિકેટે જીત મેળવી હતી. આ મેચમાં પ્રથમ બેટિંગ કરતા આયર્લેન્ડે નિર્ધારિત 20 ઓવરમાં 8 વિકેટ ગુમાવીને 128 રનનો મધ્યમ સ્કોર બનાવ્યો હતો. ઓપનર સ્ટર્લિંગે 34 અને હેરી ટેક્ટરે 45 રન બનાવ્યા હતા. જે બાદ શ્રીલંકાએ 129 રનના ટાર્ગેટ સાથે બેટિંગ શરૂ કરી હતી અને 15 ઓવરમાં માત્ર એક વિકેટ ગુમાવીને 133 રન બનાવી લીધા હતા. ઓપનર કુશલ મેન્ડિસે 43 બોલમાં 5 ચોગ્ગા અને 3 છગ્ગાની મદદથી 68 રન બનાવ્યા હતા અને અણનમ રહ્યા હતા, જ્યારે ધનંજયા ડી સિલ્વાએ 31 રન અને ચરિત અસલંકાએ 31 રન (અણનમ) કર્યા હતા.
