T20 વર્લ્ડ કપ સુપર-12 સ્ટેજમાં ઓસ્ટ્રેલિયાએ આયર્લેન્ડને 42 રને હરાવ્યું. બ્રિસ્બેનમાં ટોસ જીતીને આયર્લેન્ડના કેપ્ટન એન્ડ્ર્યુ બાલબિર્નીએ પ્રથમ ફિલ્ડીંગ પસંદ કરી. ઓસ્ટ્રેલિયાએ 20 ઓવરના અંતે 5 વિકેટે 179 રન બનાવ્યા હતા. 180 રનનો ટાર્ગેટ આપ્યો હતો, આયરલેન્ડની ટીમ 18.1 ઓવરમાં 137 રનમાં ઓલઆઉટ થઈ ગઈ હતી. આયર્લેન્ડનો લોર્કન ટકર 71 રન બનાવીને અણનમ રહ્યો હતો. બીજી ઓવરમાં પ્રથમ વિકેટ પડ્યા બાદ ટકર અંત સુધી રહ્યો પરંતુ ટીમને જીત અપાવી શક્યો નહીં. ટીમનો અન્ય કોઈ બેટ્સમેન ઓસ્ટ્રેલિયાના બોલરો સામે ટકી શક્યો નહોતો. આ જીત સાથે ઓસ્ટ્રેલિયા 5 પોઈન્ટ સાથે ગ્રુપ 1માં બીજા સ્થાને પહોંચી ગયું છે. ન્યુઝીલેન્ડ ગ્રુપ 1માં ટોચ પર છે.
