હોકી ટેસ્ટ મેચમાં ભારતની હાર… – ઓસ્ટ્રેલિયાએ જીતેલી શ્રેણી

ઓસ્ટ્રેલિયા સામેની પાંચ મેચની હોકી ટેસ્ટ શ્રેણીમાં ભારતને વધુ એક હારનો
સામનો કરવો પડ્યો છે. ચોથી હોકી ટેસ્ટ મેચમાં ભારતનો પરાજય થયો હતો.
ઓસ્ટ્રેલિયાએ શનિવારે એડિલેડમાં રમાયેલી મેચ 5-1થી જીતી લીધી હતી. દિલપ્રીત
સિંહે મેચની 25મી મિનિટે પહેલો ગોલ કરીને ભારતને સારી શરૂઆત અપાવી હતી. જો કે
ત્યારબાદ ઓસ્ટ્રેલિયન ડિફેન્સે જોરદાર રમત રમી અને ભારતીય ખેલાડીઓને ગોલ
કરવાની તક મળી ન હતી. ઓસ્ટ્રેલિયાએ સતત 5 ગોલ કરીને મેચ જીતી લીધી હતી. આ સાથે
ટેસ્ટ સિરીઝમાં 3-1ની લીડ મેળવી લીધી છે.