અરુણાચલ પ્રદેશમાં ભારતીય સેનાનું એક હેલિકોપ્ટર ક્રેશ થયું છે. આ ઘટના અપર સિયાંગ જિલ્લામાં તુટિંગ હેડક્વાર્ટરથી લગભગ 25 કિમી દૂર બની હતી. સવારે 10:40 વાગ્યાની આસપાસ બન્યું હોવાનું જણાય છે. અપર સિયાંગ પોલીસ સુપરિન્ટેન્ડેન્ટ જુમર બસરે જણાવ્યું હતું કે, “અકસ્માત સ્થળ સુધી કોઈ રોડ એક્સેસ નથી. ત્યાં એક રેસ્ક્યુ ટીમ મોકલવામાં આવી છે.”
હેલિકોપ્ટરમાં સેનાના પાંચ જવાન હતા. દુર્ઘટના સ્થળેથી અત્યાર સુધીમાં ચાર મૃતદેહ મળી આવ્યા છે. તેઝપુર સ્થિત સંરક્ષણ પ્રવક્તા લેફ્ટનન્ટ કર્નલ એએસ વાલિયાએ જણાવ્યું હતું કે, “અન્ય વ્યક્તિની શોધ ચાલુ છે.”
સ્ત્રોત: ટેલિગ્રાફ ઈન્ડિયા
