નવી દિલ્હી: સપ્ટેમ્બર ક્વાર્ટરમાં કંપનીના વેચાણમાં ઘટાડો થવાના પગલે ફિલિપ્સે મહત્ત્વનો નિર્ણય લીધો છે. 4000 કર્મચારીઓને છૂટા કરવાનો નિર્ણય લીધો છે. એક અગ્રણી આંતરરાષ્ટ્રીય કંપની ફિલિપ્સે મહત્વનો નિર્ણય લીધો છે. તેણે જાહેરાત કરી છે કે તે વિશ્વભરમાં લગભગ 4,000 કર્મચારીઓની છટણી કરી રહી છે. આ તે કંપનીના કર્મચારીઓની કુલ સંખ્યાના પાંચ ટકા જેટલી છે. સીઈઓ રોય જેકોબ્સે કહ્યું કે આ એક અઘરો નિર્ણય હોવા છતાં તે લેવો પડ્યો. સપ્ટેમ્બરમાં પૂરા થયેલા ક્વાર્ટરના પરિણામોની જાહેરાત કરતી વખતે આ નિર્ણયની જાહેરાત કરવામાં આવી હતી. ત્રણ મહિનાના ગાળામાં કંપનીનું વેચાણ પાંચ ટકા ઘટીને 4.3 બિલિયન યુરો થયું છે. જેકોબ્સે કહ્યું કે નોકરીઓમાં કાપ મૂકવાનો નિર્ણય કંપનીમાં ઉત્પાદકતા વધારવા માટે લેવામાં આવ્યો છે. તેને તાત્કાલિક લાગુ કરવામાં આવશે તેમ કહેવાય છે. તેમણે કહ્યું કે સપ્લાય સિસ્ટમમાં સમસ્યાઓ, મોંઘવારીનું દબાણ, ચીનમાં કોરોનાનો ફેલાવો અને રશિયા-યુક્રેન યુદ્ધ જેવા વિકાસની અસર કંપનીના વેચાણ પર પડી હતી.
